1 Abọọñ, ami ñyautooro fiin ke afịd esịd mmi;

ke iso "mme abasi" ami ñyaakwọ itooro mfo.

2 Ami ñyaatuak iwuod ke adisana itieukpono mfo

ñyaanyʌñ ntooro anyịñ mfo

ke ntak ima ye akpanikọ mfo i-imiidiikweeñeke,

sia afo amaabenne mme adisana ewʌhọ mfo

nọ akpon akan etob mfo.

3 Ke ini ami ñkekoodo, afo amambọọrọ miin;

afo amaanam yak uko mmi akpon.

4 Abọọñ, yak afịd ndidem ke ederimbod utooro fiin,

ke ini ammọ ekoppo ewʌhọ mfo.

5 Yak ammọ ekwọ ebaña mme usʌñ Abọọñ,

sia ubọọñ Abọọñ akpon.

6 Akpesʌkado Abọọñ akoñño, anye ase mbon nsuukidem ke anyen mbọm;

akpesʌkado anye akokkoke, anye akịt ammọ ke anyan usʌñ.

7 Akpesʌkado ami nsañake ke ufọọd mfịna,

afo amaadịp uwem mmi.

Afo amaanyan ubọk abiọọñọ iyadesịd mme asua mmi;

afo akama ubọk nnasia mfo añnyaaña miin.

8 Abọọñ ayantoppo miin ikpe;

Abọọñ, ima mfo aba ke nsi-nsi,

kuusịññe idem ukpọñ mme utom ake ubọk mfo anamma.