1 Abasi atie iwuod ke akwa esob;

anye abiide ikpe ke atu mme "abasi":

2 "Ndufo ediika die iso ibiere ukwañ ikpe

inyʌñ ifeghe mbon ibak anyen?

3 Ikpeme mbon mmemidem ye nditọakpa;

mʌm benne unen mme uweene ye mbon se efiik.

4 Inyaaña mbon mmemidem ye uweene;

isio ammọ ke ubọk mbon ibak.

5 "Mme ‘abasi’ idiọọñọke ñkpọ ndomokeed, ñkpọ ndomokeed inwañake ammọ.

Ammọ esaaña ke akịm;

afịd mme itiad idakisọñ ederimbod enyeeñe.

6 "Ami mmaabo, ‘Ndufo edo mme "abasi";

afịd ndufo edo nditọ Andikoñ Ñkan.’

7 Ado ndufo eyaekpañña kpa nte mme ñkaña abʌk;

ndufo eyaeduọññọ ke ubọọñ nte mbọọñ mfen."

8 O Abasi, dakka da, biere ikpe nọ ederimbod,

sia afịd mme idịd edo udeeme mfo.