1 Ediọọñọ Abasi ke afịd Yuda;

anyịñ amọ akpon ke Isrel.

2 Atayad amọ aba ke Salem,

itie idʌñ amọ aba ke Saiyọn.

3 Do ke anye akebʌñ mme idañ e-eketoppo,

mme atuekọñ ye mme akañkañ, mme ñkpọ unwana ekọñ.

4 Afo ameyamma ye unwana,

uyai ubọọñ mfo akpon akan mme ikpọabod e-enieghe uwak unamikọd.

5 Ebịme mme ñkpọsọñ,

ammọ edaiya akpatre idab,

ibaaha awo keed ke atu akpọsọñ mbon ekọñ

akanna adịppe ubọk amọ.

6 O Abasi Yekọb, ke adiduat mfo,

enañmbakara ye sariọd ekọñ esọñ eda.

7 Afo ikpọọñ ado se ebaak.

Anie awo akeme adida ke iso mfo ke ini afo ayatta esịd?

8 Afo aketie ke hefịn anọ ubiideikpe

ndin isọñ amaakop ndịk anyʌñ adop uyio,

9 ke ini afo, O Abasi, akedakkake ada adikpe ikpe,

nọ anyaaña afịd mbon ñkpọnnam ke isọñ.

10 Ke akpanikọ ifiobesịd mfo ye uduud awo aben itooro unọ fiin,

ndin mbon se ibọkkọ ifiobesịd mfo edat ukpeebñkpọ.

11 Ndufo inam mme akaaña inọ Abọọñ Abasi ndufo inyʌñ isioño ammọ;

yak afịd mme idịd mbọhọidʌñ

ekoono mme enọ esọk Anye a-adooho se ebaak.

12 Anye abʌñ sịbidịd mme andikara;

mme ndidem ederimbod ebaak anye.