1 Yak Abasi itua ñnyịn mbọm anyʌñ idiọñ ñnyịn

anyʌñ anam iso amọ ayamma inọ ñnyịn;

2 nọ ato do ediọọñọ mme usʌñ mfo ke isọñ,

enyʌñ ediọọñọ adinyaaña mfo ke atu afịd mme idịd.

3 Yak mme awo utooro fiin, Abasi;

yak afịd awo utooro fiin.

4 Yak mme idịd enem esịd enyʌñ edaara,

sia afo akaara mme awo ke unen

anyʌñ adat mme idịd ederimbod usʌñ.

5 Yak mme awo utooro fiin, Abasi;

yak afịd awo utooro fiin.

6 Isọñ anwịm mbunwịm amọ;

Abasi, Abasi ñnyịn, idiọñ ñnyịn.

7 Yak Abasi akaiso idiọñ ñnyịn,

nọ ato do mme utịd ederimbod ebaak anye.