1 Ekondo ye afịd se iyọhọ ke esịd anie Abọọñ,

ederimbod, ye afịd mbon se idʌñ ke anye;

2 sia anye aketọọñọ anye ke mme akpainyañ

anyʌñ adot anye ke anyọñ mmọọñ.

3 Anie akeme adidọọk abod Abọọñ?

Anie akeme adida ke adisana itie amọ?

4 Awo se inie nsaana ubọk ye adisana esịd,

a-mmiibuọttọ idem ke ubobodñkpọ

inyʌññọ inwọñọ ñkpọ ke anyịñ nsu-nsu abasi.

5 Ammọ eyaebọ adidiọñ eto Abọọñ

ndin Abasi Andinyaaña ammọ ayaanam yak ekịt ke ammọ emaenen.

6 Naña emana ake eyemme anye aba ado ado,

ake eyemme iso mfo, Abasi Yekọb.

7 Ibenne iwuod ndufo, ndufo mme inuaatob;

ibenne idem, ndufo mme ñkaan usʌñ,

nọ Adidem ubọọñ adʌk adi.

8 Anie ido Adidem ubọọñ ami?

Abọọñ akpọsọñ ye uko,

Abọọñ uko ke ekọñ.

9 Ibenne iwuod ndufo, ndufo mme inuaatob;

ibenne idem, ndufo mme ñkaan usʌñ,

nọ Adidem ubọọñ adʌk adi.

10 Anye ado anie, Adidem ubọọñ ami?

Abọọñ, Andikponñkan,

anye ado Adidem ubọọñ.