1 Idaha Abọọñ akemaanake anọ nditọ Saiyọn mfọniso,

ñnyịn ikiba nte mbon ake edappake ndab.

2 Inua ñnyịn amaayọhọ ye imam,

edeme ñnyịn ye mme ikwọ idaara.

Ndin emaetañ ke atu mme idịd,

"Abọọñ anam ikpọ ñkpọ anọ ammọ"

3 Abọọñ anam ikpọ ñkpọ inọ ñnyịn,

ndin esịd ñnyịn ayọhọ ye idaara.

4 Abọọñ, maana inọ ñnyịn mfọniso,

nte idịm a-abaaha ke Nekef.

5 Mbon eketọọhọ ñkpọ ke mmọọñayịd

eyaedọk ye mme ikwọ idaara.

6 Mbon etuahatua ewuọñọ,

ekaama ñkpasi ekaa aditọ,

eyaenyọñ edi ye mme ikwọ idaara,

ekaama mme mfịd inwañ.