1 Ikwọ ufa ikwọ inọ Abọọñ;

afịd ederimbod ikwọ inọ Abọọñ.

2 Ikwọ ikwọ inọ Abọọñ, itooro anyịñ amọ;

ibʌk adinyaaña amọ ke usen ke usen.

3 Itañ ubọọñ amọ ke atu mme idịd,

mme utịppeñkpọ amọ ke atu afịd mme awo.

4 Sia Abọọñ akpon anyʌñ adot itooro;

ado se ebaak anye ekan afịd mme abasi.

5 Sia afịd mme abasi mme idịd edoñño ubobodñkpọ,

ado Abọọñ akenam mme hefịn.

6 Uyai ye ukpono eba anye ke iso,

adudu ye ubọọñ eba ke adisana itie amọ.

7 Ndufo inọ Abọọñ, afịd mme ubon ke mme idịd,

inọ Abọọñ ubọọñ ye adudu.

8 Ndufo inọ Abọọñ ubọọñ a-adotto ye anyịñ amọ;

iben enọ idʌk idi ke mme akwere amọ.

9 Ndufo ikpono Abọọñ ke uyai adisanaido amọ;

yak afịd ederimbod enyeñ idem ke iso amọ.

10 Ibo ke atu mme idịd ite, "Abọọñ akaara."

Ederimbod a-asọñ ada, isịkkeke ke itie amọ;

anye ayaabiide ikpe anọ mme awo ke unen.

11 Yak mme anyọñ edaara, yak isọñ enem esịd;

yak inyañ ye afịd se idọñọ ke esịd ekpot.

12 Yak inwañ ye afịd se idʌñọ ke anye enam idaara,

yak afịd mme eto ke akai ekwọ edaara.

13 Yak afịd se ebot edaara ke iso Abọọñ, sia anye a-adi,

anye a-adi adibiide ikpe nnọọ ederimbod.

Anye ayaabiide ikpe ekondo ke unen

ye ake mme awo ke akpanikọ amọ.