1 Abasi ado itie udịbe ñnyịn ye adudu ñnyịn,

unwam ñnyịn ke ini akeedodo inieghe mfịna.

2 Ke ntoro ñnyịn idiikoppo ndịk, akpekọm isọñ awuudo

me mme abod enyʌñ eduọññọ edọñọ inyañ,

3 akpesʌkado mmọọñ amọ ayomoke anyʌñ afuut

mme abod enyʌñ enyek ke ufofuud ammọ.

4 A-aba inyañ keed ake mme idịm amọ enamma esịd anem abio Abasi,

adisana itie ake Andikoñ Ñkan adʌññọ.

5 Abasi mmọdo ke anye, anye idiiduọhọ;

Abasi ayaanyaaña anye ke usiere.

6 Ñkpoiyo afịt ke mme idịd, mme abio eduọññọ;

anye abenne uyio, isọñ ayeeme.

7 Abọọñ Andikponñkan mmọdo aba ye ñnyịn;

Abasi Yekọb ado itie ubọkkọ ñnyịn.

8 Idise se Abọọñ anam,

mme ñwuudo se anye asịn ke ederimbod.

9 Anye anam ekọñ atre

tutu akesịm utịd ederimbod.

Anye abuuñ utịgha anyʌñ abʌñ eduad mbai-mbai;

anye afọp mme atuekọñ ke ikañ.

10 Anye ate, "Idobo, inyʌñ idiọọñọ ke ami ndo Abasi;

Ami ñyaakoñ ke atu mme idịd,

Ñyaakoñ ke ederimbod."

11 Abọọñ Andikponñkan mmọdo aba ye ñnyịn;

Abasi Yekọb ado itie ubọkkọ ñnyịn.