1 Apa ikaka i na Irimiya vumava̱sula̱ dammai Baruk ulobo wa̱ Neriya, a̱tsuma̱ a aa'wan a̱ na̱shi o tsugono tso mogono Jehoyakim va Yahuda ulobo wa̱ Josiya cina Baruk ɗana a̱tsuma̱ a aatagada o ukutsuluwu wi idanshi i na Irimiya dansaa niyi ana, 2 <<Apa ili A̱sulazuva A̱sula̱ a Isra'ila a dansa adama a̱ wu Baruk, 3 vu damma ta̱, <A̱tsuma̱lima̱ a cina mu ta̱! A̱sulazuva a̱ da̱shi mu ta̱ a̱tsuma̱lima̱ zuva va atakaci a̱ va̱! N kuna̱ ta̱ na̱ ma̱nga̱, waru n ri na̱ wivuwun shi!> >> 4 To, <<A̱sulazuva a damma mu ta̱ n damma wu, <apa ili i na A̱sulazuva a dammai, n ta̱ ɓuɓoso ili i na n suwai, reve waru n mula̱ ili i na n shuwa̱i, a̱tsuma̱ e iɗa'a ma̱ɓula̱. 5 Gogo wuntsaa ta̱ vu zami utsuru wu uvaɗi ɗa? She vu zami le wan. Adama a na n ta̱ lyungu a̱tsuma̱lima̱ a aci a vaɗilima̱ suru, ne ɗa A̱sulazuva a dammai. Amma suru uba̱ta̱ u na vu tyoyi, n ta ca wu wuma wa̱ wu fa̱a̱n tsi itana i na a̱ pura̱i uba̱ta̱ o uvon.> >>