Issayaasikaa Raaga 53

5 Yaane kinni isi no’oxxee sa’eexxi oteme;

no’oxxe balleessaxxe bullo’e;

Iso’n ibbeexxi mura woxxa no’o’a nage’a iyyedagge;

mada isixxenninna fayyinenne.✝53:5 1 Phex. 2:24.

6 No’o duuchchiingi gedhebiinsha orakenaa’n gorre ba’nenne;

mitti mittingi no’onna ifi fike oriba’a me’inennen;

Duuchchi Woddik Gootti no’oo duuchchingixxa balleessa

isi hana fe’e.✝53:6 1 Phex. 2:25.

7 Isi abara uude; wixxixxi hiyye;

yaane kinni bucuqqi hiyyebaan;

Buruusinshanna dulenshatee oofeme;

isinaa’n orda cirammaki edo sammi hiyyammake gedhechchiinsha,

bucuqqi hiyyebaan.✝53:7 Wal. 5:6.