Mme Saam 3

Akam E-ebọññọ ke Ñkịmñnwaña Ubakusen

1 Abọọñ, mme asua mmi ewak die!

Awo ifañ edakka eda eñkọbọ miin!

2 Uwak awo etañ embaña miin ete,

"Abasi idiinyaañake anye."

3 Ado afo, Abọọñ, ado atuekọñ añkannake miin akʌk,

ubọọñ mmi, ye Anye a-anamma etịñiwuod mmi akoñ.

4 Ami mbọọñ ñkoot Abọọñ,

ndin anye atie ke adisana abod amọ añyie miin.

5 Ami nsuuk nnaa ndaiya;

Mmaana ndemme, sia Abọọñ ammʌm miin akama.

6 Ami ndiifegheke ndịk akpekọm mme awo tọsịn duoboduob

eñkanna miin ekʌk enyʌñ enam ikọ ye ami.