Mme Saam 78

1 Ikọd mmi, ikop ukpeebñkpọ mmi;

ikpan utọñ inọ ikọ inua mmi.

2 Ami ñyaatat inua mmi ye ñke;

Ami ñyaatañ mme ndedịbe ñkpọ, mme ñkpọ ake esed,

3 Mme ñkpọ se ñnyịn ikikop inyʌñ idiọọñọ,

mme ñkpọ se mme eteete ñnyịn emaekidọkkọ ñnyịn.

4 Ñnyịn idiidịppe mme nditọnditọ ammọ;

ñnyịn iyaitañ inọ emana ini iso

mme adinam Abọọñ Abasi a-adotto itooro,

adudu amọ, ye mme utịppeñkpọ se anye akenam.