Mme Saam 78

4 Ñnyịn idiidịppe mme nditọnditọ ammọ;

ñnyịn iyaitañ inọ emana ini iso

mme adinam Abọọñ Abasi a-adotto itooro,

adudu amọ, ye mme utịppeñkpọ se anye akenam.

5 Anye amaawuuk ewʌhọ anọ Yekọb

anyʌñ anịm mbed ke Isrel,

ake anye aketemmeke mme eteete ñnyịn

yak ekpeep nditọ ammọ,

6 nọ emana mfen ediọọñọ ñko,

kpa nditọ idiimanake diin,

ndin ammọ ke idem ammọ eyaetañ enọ nditọ ammọ.

7 Ndin ammọ eyaenie mbuọdidem ke Abasi

idiinyʌññọ ifre mme edinam amọ

ado enịm mme ewʌhọ amọ.