1 Ke afo, Abọọñ, ami ndịbe ke afo;

kuuyak ami ndia abuud;

dat adinenido mfo ñnyaaña miin.

2 Kpañ utọñ mfo nnọ,

sọsọp di ñnyaaña,

do itiad udịbe mmi,

akpọsọñ itie ubọkkọ adiñnyaaña miin.

3 Sia afo adooho itiad mmi ye itie ubọkkọ mmi,

ke ntak anyịñ mfo, ndat miin usʌñ.

4 Kuuyak ndʌk afia e-ekọọhọ enịm ennọ miin,

sia afo ado itie udịbe mmi.

5 Ami mmeyaak ukpọñ mmi usịn fiin ke ubọk;

mfak miin, Abọọñ, anam akpanikọ Abasi mmi.