1 Na Degbeŋgyoo seŋɛɛla de wɔle ya nɛ,

yela Iserae ke yako,

2 na Degbeŋgyoo seŋɛɛla de wɔle,

debaŋ keŋ balaŋ ne yoo daa nɛ,

3 nafɔ beŋ lilii daa na de sia fonɛɛ,

debaŋ keŋ bɔɔ gyeŋ baŋ de dɔɔ nideli nɛ,

4 nafɔ boo kewuu deŋ waale daa,

kakpela deŋ gyɔɔ daa laŋ,

5 nafɔ kakpela,

deŋ kuu daa laŋ.

6 Ɛ lese Degbeŋgyoo,

ŋon ɔ te yele baa tao daa ya nɛ yele.

7 De te nyiŋ gbɛɛ yeu ŋgba gyebu,

ŋon ɔ be nyiŋ gbɛɛ lee kɔlare kɔta man nɛ,

kɔta keŋ te tekeri,

te de nyiŋa gbɛɛ lee.

8 Degbeŋgyoo yɛna ŋon ɔ ne kyɔ daa,

ŋon yɛɛna adido na tɛɛle.