Loo kamo kegyakaa kefane dɔɔ
1 Degbeŋgyoo, me konɔɔ bɛɛ gate ka wose ya,
mɔɔ ne kɛɛ ma wose gbaa ya,
mɔɔ famenɛ na nombia dinaana,
yaa nombia ŋan ŋe dana maŋ gyakoloŋ ya.
2 Mɔna ma te yɔkɔse ma wose, te me yɛɛwɔ yididi,
me yɛɛ ŋgba biikyaa ŋon bɔɔ tira e dide te ɔ mataana ɔ naa nɛ,
na gyoo me sia ŋgba me yɛɛ biikyaa ŋon bɔɔ tira e dide nɛ.
3 Iserae, mo n loo gyakaa Degbeŋgyoo dɔɔ,
lee debaŋ kei kelii kekpaakekpaa.