1 Ɛ kɔŋ, ɛ yela dee kpee kenyaŋee nɔɔneŋ fa Degbeŋgyoo,

ɛ yela dɛɛ fae yeesa keŋkeŋ fa da nyeekelɛɛ kpanaŋ ŋon.

2 Ɛ yela dɛɛ mo karaŋ kefa kɔŋ ɔ siaman,

na dɛɛ mo nɔɔneŋ kekpee gate ɔ yele.

3 Nawolo nyi Degbeŋgyoo yɛna Wurubuarɛ dinaa,

Gyoo Dinaa wurubuarɛse pou dɔɔ.

4 Ɔ nyiŋmaa man te tɛɛle dɔɔ abɔɔ pou doo,

bulase dɔɔ abɔɔ pou yɛɛ ɔ wui.

5 Ɛpo yɛɛ ɔ wui, nawolo nyi ŋon yɛɛna ke,

ɔ nyiŋmaase te ɔ moowɔ yɛɛ tɛɛle dowolosa keŋ.

6 Ɛ kɔŋ, ɛ yela dee buŋ som e,

ɛ yela dee tisi buŋ da doona dɔɔ Degbeŋgyoo ŋon ɔ be yɛɛ daa nɛ siaman.