1 Ɛ kpee nɔɔneŋ wɔle fa Degbeŋgyoo,

tɛɛle pou ɛ kpee nɔɔneŋ fa Degbeŋgyoo. 2 Ɛ kpee nɔɔneŋ fa Degbeŋgyoo, ɛ lese ɔ yele,

ɛ gyɔ ɔ nyeekelɛɛ dekpeŋkpeŋ wee kamasɛ.

3 Ɛ gyɔ ɔ gyoorobiiri keŋ dekpeŋkpeŋ tɛɛlese pou man,

ɔ gyakoloŋ nombia keyɛɛ balaŋ pou man.

4 Nawolo nyi Degbeŋgyoo kerɛɛ, te ɔ kaboena nyi baa lese ɔ yele,

kaboena nyi baa yee e kela wurubuarɛse pou.

5 Nawolo nyi tɛɛlese dɔɔ wurubuarɛse pou yɛɛ bɛɛneŋwɔ,

mɔna Degbeŋgyoo yɛɛna adido.

6 Obuo na gyoorobiiri doo ɔ siaman,

doŋ na gyoorobiiri doo ɔ fereŋkyeŋ man.

7 Ɛmɛɛ tɛɛlese pou, ɛ lese Degbeŋgyoo yele,

ɛ mo obuo na doŋ fa Degbeŋgyoo.

8 Ɛ mo obuo keŋ kaboena Degbeŋgyoo yele nɛ fa e,

ɛ mo kedeesa abɔɔ kɔŋ ɔ dekpaŋalaŋ man.

9 Ɛ mo wose keyɔkɔse fereŋkyeŋ som Degbeŋgyoo,

tɛɛle pou ɛ mo wose keseree kɔŋ ɔ siaman.