4 ଡିଲାଡିଗ୍ ମେଁ ନେନେ କସ୍ଟ ସାପା ସାଃବକେ ଆରି ନେନେ ଦୁକ୍ ସାପା ଡୁଙ୍ଗ୍ବକେ । ଏଲେଡିଗ୍ ନେ ଆମେକେ ଚିନାବାନା ଆରି ପର୍ମେସର୍ ବାନ୍ ମାଡ୍ ଆରି ଦୁକ୍ କସ୍ଟ ଡାଗ୍ଚେଃ ନେମାନେଃକେ । 5 ମାତର୍ ମେଁ ନେନେ ପାପ୍ ନ୍ସାଃ ଚିନାବାନା ଡିଂକେ ଆରି ନେନେ ପାପ୍ କାମ୍ ନ୍ସାଃ କୁଚ୍କୁଚା ମାଡ୍ ଚଙ୍ଗ୍କେ; ନେନେ ସାନ୍ତି ନ୍ସାଃ ସାସ୍ତି ମେଁନେ ଆଡ଼ାତ୍ରା ପଡ଼େକେ ଆରି ମେଁ ମାଡ୍ ଚଙ୍ଗ୍କ୍ନେ ନ୍ସାଃ ନେଃ ସୁସ୍ତ ନେଃଡିଂକେ । 6 ନେଃ ସାପାରେ ମେଣ୍ଡାଇଂ ରକମ୍ ବୁଲ୍ ଗାଲି ପାକା ଅଲେଙ୍ଗ୍ନେଃଲାଏଃକେ; ନେଃ ସାପାରେ ନିଜର୍ ନିଜର୍ ଗାଲି ପାକା ଆଣ୍ଡେ ନେଃଲାଏଃକେ; ଆରି, ମାପ୍ରୁ ନେଃ ସାପାରେନେ ପାପ୍ କାମ୍ ମେଁ ଆଡ଼ାତ୍ରା ଆଃନିଗ୍ବିଃକେ । 11 ମେଁ ନିଜର୍ ଜିବନ୍-କସ୍ଟ ବାନେ କେଚେଃ ସାନ୍ତି ଡିଂଏ; ନେନେ ଦାର୍ମିକ୍ ଦାସ୍ ନିଜର୍ ବୁଦି ଏଃତେ ଗୁଲୁଏରେକେ ଦାର୍ମିକ୍ ଆଃଡିଂଏ ଆରି ମେଁ ମେଇଂନେ ପାପ୍କେ ଡୁଙ୍ଗ୍ଏ । 12 ଏନ୍ସାଃ ନେ ମ୍ନାଃରେଇଂନେ ବିତ୍ରେ ଆମେକେ ଜାଗା ନେବିଃଏ ଆରି ମେଁ ସକ୍ତିମାନ୍ଇଂନେ ଏଃତେ ଡଙ୍ଗାକ୍ନେ ଜିନିସ୍ ବାଟାଚେଃ ରାଙ୍ଗ୍ଡଆର୍ଏ; ମେଃଡାଗ୍ଲା ମେଁ ଗୁଗୁଏଃନେଅରିଆ ନିଜର୍ ଜିବନ୍ କିଗ୍ ବିଃକେ ଆରି ଅଦାର୍ମିକ୍ ରେମୁଆଁଇଂ ଏଃତେ ଗଣିତ ଡିଂକେ; ଏଲେଡିଗ୍ ମେଁ ଗୁଲୁଏରେନେ ପାପ୍ ଡୁଙ୍ଗ୍କେ ଆରି ଅଦାର୍ମିକ୍ ରେମୁଆଁଇଂନେ ନ୍ସାଃ ପାର୍ତନା ଡିଂକେ ।
Publicidade