ସାପାଦିନା ସାନ୍ତି ଲେଃନେ ନିଅମ୍
1 ଅ ବାଞ୍ଜି, ଜାଣ୍ଡେକି ଗଡ଼େଅ ଜନମ୍ ପେବିକ୍ନେ ସେଲାମ୍ବୁଏଃଇଂ, ପେ ଅସ୍ମାର୍ ସାର୍ପା, ଅ ସେଲାମ୍ବୁଏଃଇଂ ଗର୍ବେଅରିଆ ଦୁକା ବାଣ୍ଡ୍ରେଇଂ, ପେ ୱାଃସାର୍ଚେ ସାର୍ପା ଆରି ସାର୍ଦା ଡିଙ୍ଗ୍ପା, ମେଃଡାଗ୍ଲା ମାପ୍ରୁ ବାସଙ୍ଗ୍ଡିଂକେ, ବିହେକ୍ନେ ସେଲାମ୍ବୁଏଃନେ ଗଡ଼େଅବାନ୍ ଚାଡ୍ରି ସେଲାମ୍ବୁଏଃନେ ଗଡ଼େଇଂ ଜାବର୍ । 2 ପେ ନିଜର୍ କୁଡ଼ିଆନେ ଜାଗା ଆଃମ୍ନାଃପା ଆରି ମେଇଂ ପେ ବାସାପେଡିଙ୍ଗ୍କ୍ନେ ପର୍ଦାକେ ଅସାର୍ ଆଃଡିଂଆର୍ଲେଃ; ସାଃଚେ ଆବଗ୍ପା; ପେନେ ଗେହେଃ ସାପା ଆଃଚ୍ଲେବିଃପା ଆରି କୁଟି ସାପା ଡାଟ୍ ଆଃଡିଂପା ।
ବବିସତ୍ନେ ଯିରୂଶାଲମ
11 ଅ ଦୁକ୍ରେ ଲାଏଃକ୍ନେ ସେଲାମ୍ବୁଏଃ, ୱେଗୁର୍କେ ବୁଟମେଗ୍ଣ୍ଡ୍ରେ ଆରି ସାନ୍ତିରେ ଆଲେଃକ୍ନେଣ୍ଡ୍ରେ, କେଲାପା, ନେ ଗୁଲୁଏ ସୁନ୍ଦର୍ ବାନାଅରିଆ ନାଁନେ ବ୍ରି ନେରାଃକଏ ଆରି ନୀଳମଣି ଏଃତେ ନାଁନେ ପାଣ୍ଡୁସନ୍ ନେରାଃରେଏ । 12 ନେ ପଦ୍ମରାଗ ମଣୀ ଏଃତେ ନାଁନେ ମନ୍ଦିର୍ ଟିପେନିଆ ଆରି ସୂର୍ଯ୍ୟକାନ୍ତ ମଣୀ ଏଃତେ ନାଁ ଇନିନେ ବାଜାର୍ ସାପା ଜାବର୍ ଦାମ୍ନେ ସବାକ୍ନେ ମଣୀ ଏଃତେ ନାଁନେ ସାପା ଏରିଆ ନେଃରାଃରେପା । 13 ନାଁନେ ଗଡ଼େଇଂ ସାପାରେ ସଦାପ୍ରବୁନେ ବାନ୍ ଗ୍ୟାନ୍ ବାଆର୍ଏ ଆରି ନାଉଙ୍ଗ୍ଇଂନେ ଜାବର୍ ସାନ୍ତି ଡିଂଏ ।