ଆହାସ୍ନେ ଆତ୍ଲା ମୁଇଂ ସାମୁଆଁ
1 ଯୋଥମ ଉଂଡେ ଆହସ, ଉଷୀୟ ଉଂଡେ ଯୋଥମ, ଅରାମନେ ଇଃସାଙ୍ଗ୍ ରତ୍ସୀନ ବାରି ପେକହ ଇସ୍ରାଏଲ୍ନେ ଇଃସାଙ୍ଗ୍ ରମଲୀୟନେ ଉଂଡେ ଲ୍ଲେକେ । ଯିହୁଦାନ୍ୟା ଆହସ୍ ସାସନ୍ ଡିଙ୍ଗ୍ନେ ବେଲା ରତ୍ସୀନ ବାରି ପେକହ ମେଁନେ ଏତେ ଜୁଦ୍ ଡିଙ୍ଗ୍ନ୍ସାଃ ଯିରୂଶାଲମନ୍ୟା ୱେ ଲେଃ ଆର୍କେ । ମାତ୍ରମ୍ ମେଇଂ ଆତାନ୍ ଇନିକେ ଜିତେ ଆୟାଆର୍କେ ଣ୍ଡୁ ।
2 ଇଡ଼ିଂ ଦାଉଦ ବଂସକେ ମୁଇଂ କବର୍ ଆମ୍ୟାଆର୍କେ ଜେ । ଆତାନ୍ କବର୍ ଡିଙ୍ଗ୍ଡିଂକେ, ଅରାମ ଇଫ୍ରୟିମନେ ପାକା ଡିଂଲାଏଃକେ । ତେନ୍ଇଡ଼ିଂ ମେଁନେ ଜିବନ୍ ଆରି ମେଁନେ ରେମୁଆଁଇଂନେ ଜିବନ୍ ୱେଡ୍ୟାଃଆଃଅରିଆ ଜୁର୍କେ ଆରି କଣ୍ଡାନେ ସ୍ଲାଃ ରକମ୍ ଜୁର୍ୱେକେ ।
3 ଏନ୍ ଇଡ଼ିଙ୍ଗ୍ ସଦାପ୍ରବୁ ଯିଶାଇୟକେ ବାସଙ୍ଗ୍କେ, "ନାଁ ବାରି ନାନେ ଉଂଡେ ଶାର-ଯାଶୁବ ୱେଏ, ଦବାନେ ଲିଜପାକା ୱେକ୍ନେ ଅସାର୍ ଗାଲି ଆଡ଼ାତ୍ରା ଲେକ୍ନେ କୁଣ୍ଡ୍ନେ ନାଲ୍ ଆଡ଼ାତ୍ରା ଆହସ୍ ଏତେ ମିସୁନ୍ସା ୱେଲା ।
4 ଆହସକେ ବାସଙ୍ଗ୍ପା, ତରକ୍ ବାରି ବୁଙ୍ଗ୍ଲାଲା । ଏନ୍ ମାଃସ ତାର୍ଡିଙ୍ଗ୍କ୍ନେ ସୁଆନେ ମ୍ୱାକ୍ଲିଗ୍ ପ୍ଲା, ଣ୍ଡୁଲା ରତ୍ସୀନ ବାରି ଅରାମନେ ବାରି ରମଲୀୟନେ ଉଂଣ୍ଡେନେ ଜାବର୍ ରିସା ନ୍ସା ବୁଟମେଗ୍ ଆଡିଙ୍ଗ୍ଗେନାମଃ, ଣ୍ଡୁଲା ନିଜର୍ ଗାଗ୍ଡ଼େକେ ନିରାସ୍ ଡିଙ୍ଗ୍ନ୍ସା ଆବିଗେ ନାମଃ ।
6 ନେ ୱେଚେ ଯିହୁଦା ବିରଦ୍ରେ ଜୁଦ୍ ନେଃଡିଙ୍ଗ୍ପା ଆରି ନେଃଜିତେପା । ନେ ଆତ୍ଲା ଯିହୁଦାକେ ବାଗ୍ ବାଗ୍ ନେରାଡିଙ୍ଗ୍ପା । ନେ ଟାବେଲନେ ଉଂଣ୍ଡେକେ ଯିହୁଦାନେ ଇଃସାଙ୍ଗ୍ ରକମ୍ ତିଆର୍ ନେଡିଙ୍ଗ୍ପା ।"
9 ବାରି ଇଫ୍ରୟିମନେ ଇନିବାନ୍ ଶମରୀୟା ମ୍ନାଇନି ଡିଙ୍ଗ୍ଏ ବାରି ଶମରୀୟାନେ ଇନିବାନ୍ ରମଲୀୟନେ ଉଂଡେ ରାଜା ଡିଂଏ । ଅଃନା ପେଇଂ ବିସ୍ବାସ୍ ପେଡିଙ୍ଗ୍ । ତେଲା ଚୁପ୍ଚାପ୍ ଆଡୁଲେଗ୍ପା, ଏନ୍ ସତ୍ ।
12 ମାତ୍ରମ୍ ଆହସ୍ ବାସଙ୍ଗ୍କେ, ନେଙ୍ଗ୍ ନାସାଲ୍ୟାଃ ଣ୍ଡୁ କି ସଦାପ୍ରବୁକେ ପରିକ୍ୟା ନ୍ନାଡିଙ୍ଗ୍ଣ୍ଡୁ ।
14 ଡିଲାଡିଗ୍ ମାପ୍ରୁ ନିଜେ ଆପେକେ ମୁଇଂ ଚିନ୍ ବିଃଏ । ମୁଇଂ ସେଲା ଗାଗ୍ଡ଼େଚେ ମୁଇଂ ଉଂଡେ ଜନମ୍ ଆଡିଙ୍ଗ୍ଏ ବାରି ମେଁନେ ମ୍ନି ଇମ୍ମାନୁୟେଲ ବା ନେ ଏତେ ପରମେସର୍ ଲେଃକେ ଡାଗ୍ଚେ ଆକେନ୍ ଅର୍ତ ।
16 ଡାଗ୍ଲା ଗଡ଼େଅ ନିମାଣ୍ଡାଃକେ ସାଃଏ ବାରି ଦଦ୍ୟାକେ ଆତାର୍ ବିଃନେ ସେନୁଗ୍ ପେଇଂ ଇଫ୍ରୟିମକେ ବାରି ଅରାମକେ ଆତାର୍ ପେବିଏ । ଡାଗ୍ଲା, "ପେଇଂ ଆତାନ୍ ମ୍ୱାକ୍ଲିଗ୍ ଇଃସାଙ୍ଗ୍କେ ଇଙ୍ଗ୍ଚେଃ ପେବକେ । ଆତେନ୍ ଦେସ୍ ଆରି ରେମୁଆଁ ଆଲେ ଣ୍ଡୁ ।"