1 Yɛɛ maŋ gyoŋ, debaŋ keŋ bɔɔ yako maŋ nyi,

<<Ɛ yela dee gyu Degbeŋgyoo dɛɛ>> nɛ,

2 Yerusalɛm, de nawɔɔ seŋɛɛ,

n denaanɔɔ man.

3 Be baŋa Yerusalɛm bo ŋgba donɔɔ dinaa,

keŋ bɔɔ baŋ ke kyaŋna dɔŋa nɛ.

4 Botɔɔ te akpaŋalaŋ ŋan ne gyu,

Degbeŋgyoo akpaŋalaŋ ŋan,

ne gyu ka lese Degbeŋgyoo yele,

ŋgba mena keŋ bɔɔ fa Iseraetena mmaraa nɛ.

5 Be ta see gyooro gbelɛɛ botɔɔ baa kyaa di nombia,

Dawide denimantena gyooro gbelɛɛ ŋan.

6 Fane sola wosefɛɛreŋ fa Yerusalɛm nyi,

Dee de fa baŋ bɛɛ gyae neŋ nɛ.

7 Wosefɛɛreŋ dɛɛ kyaa n donɔɔ keŋ man,

na wosekenyiŋ na kegyee ke doo n gyooro dekpaŋalaŋ man.>>

8 Lee me denimantena na me gyoona dɔɔ,

maa yako nyi, <<Wosefɛɛreŋ dɛɛ kyaa ɛ man.>>

9 Lee Degbeŋgyoo de Wurubuarɛ dekpaŋalaŋ dɔɔ,

maa gyae n wose kenyiŋ.