1 Degbeŋgyoo, tei me nombia,

na n ke nyii me katoroŋ.

2 Me gyoo na me Wurubuarɛ,

nyii me kewii baake,

nawolo nyi nyaŋ te mɛɛ fane fa.

3 Degbeŋgyoo, nebo na, n ne nyii ma woya,

mɛɛ mo me nombia see n siaman nebo,

mɛɛ daa n nɔɔketira.

4 Nawolo nyi n te yɛɛ Wurubuarɛ ŋon n ne gyae akpanyanyaŋ ya,

n bɛɛ lɛɛ nombiakumɛɛ yɛɛra do n wose man ya.

5 Baŋ be dana agaŋtaŋ nɛ,

be tale kaa seŋ n siaman ya.

N ne kɔla nombiakumɛɛ yɛɛra pou.

6 N ne wɔlɛɛ akɛrɛɛtena,

Degbeŋgyoo, n ne kɔla

baŋ bɛɛ koe te bɛɛ beo balaŋ nɛ.

7 Mɔna lee n balaŋ kegyae nideli dɔɔ,

maa tale kɔŋ n dekpaŋalaŋ man.

Maa mo obuo buŋ

tee nyɔ ɔsom deni fereŋkyeŋ keŋ.

8 Degbeŋgyoo, mo maŋ ta n gbɛɛneŋ ŋan tenɛɛ nɛ man,

Lee me kɔlara dɔɔ,

yela n gbɛɛ kedoo teeŋ me siaman.

9 Ŋolo be tale mo ɔ wose lɔ be nɔɔwoya dɔɔ ya,

nombia kumɛɛ te wulu be konɔɔse man.

Be lokotɛɛ yɛɛ yebɔɔ keŋ be te wuu ke ya nɛ,

bɛɛ mo be nɔɔse dii akɛrɛɛ.

10 Ao Wurubuarɛ, bu wɔ fɔɔ.

Yela ba kebake ke busaana wɔ.

Tu wɔ lee be nombiakumɛɛ burum dɔɔ,

nawolo nyi be ta koro seŋ tia neŋ.

11 Mɔna yela ke yɛɛ baŋ pou bɔɔ yeu kaa gyoo neŋ nɛ gyoŋ,

yela baa mo kenyaŋee kpee nɔɔneŋ,

gyee baŋ pou bɛɛ gyae neŋ,

na baŋ bɛɛ gyae n yele nɛ ke nyaŋee n man.

12 Ampaŋ, Degbeŋgyoo ne hiraa baŋ ba tenɛɛ,

n na mo n bɛrɛɛ wuu wɔ ŋgba yoo nyeele pampasaŋ nɛ.