5 ମାତର୍‌ ମେଁ ନେନେ ପାପ୍‌ ନ୍‌ସାଃ ଚିନାବାନା ଡିଂକେ ଆରି ନେନେ ପାପ୍‌ କାମ୍‌ ନ୍‌ସାଃ କୁଚ୍‌କୁଚା ମାଡ୍‌ ଚଙ୍ଗ୍‌କେ; ନେନେ ସାନ୍ତି ନ୍‌ସାଃ ସାସ୍ତି ମେଁନେ ଆଡ଼ାତ୍ରା ପଡ଼େକେ ଆରି ମେଁ ମାଡ୍‌ ଚଙ୍ଗ୍‌କ୍ନେ ନ୍‌ସାଃ ନେଃ ସୁସ୍ତ ନେଃଡିଂକେ । 6 ନେଃ ସାପାରେ ମେଣ୍ଡାଇଂ ରକମ୍‌ ବୁଲ୍‌ ଗାଲି ପାକା ଅଲେଙ୍ଗ୍‌ନେଃଲାଏଃକେ; ନେଃ ସାପାରେ ନିଜର୍‌ ନିଜର୍‌ ଗାଲି ପାକା ଆଣ୍ଡେ ନେଃଲାଏଃକେ; ଆରି, ମାପ୍‌ରୁ ନେଃ ସାପାରେନେ ପାପ୍‌ କାମ୍‌ ମେଁ ଆଡ଼ାତ୍ରା ଆଃନିଗ୍‌ବିଃକେ । 7 ମେଁ ପରିହାସ୍‌ ବାକେ, ଏଲେଡିଗ୍‌ ମେଁ ନିଜ୍‌କେ ଡାଆଁ ଆଃଡିଂଚେଃ ନିଜର୍‌ ତୁମୁଁଆଃ ଆରାଃତର୍ସାକେ; ବାଗୁଏଃନେ ଜାଗା‍ଅରିଆ ରାଙ୍ଗ୍‌ୱେନେ ଉଂମେଣ୍ଡା ରକମ୍‌ ଡିଙ୍ଗ୍‌କେ, ମେଣ୍ଡା ସିସିଣ୍ଡ୍ରେ ସେଃମଁ ଚୁପ୍‌ଚାପ୍‌ ଡିୟା ମେଣ୍ଡା ରକମ୍‌ ଡିଂଚେଃ ମେଁ ନିଜର୍ ତୁମୁଆଃ ଆରାଃତର୍ସାକେ ।