Salmos 119

9 Sena te tobaale waa tale kyaa fereŋkyeŋ man?

Lee n nombia ŋan dɔɔ kedi man.

10 Me ta mo me konɔɔ pou mɛɛ kɛo neŋ,

na yele maa yo gbɛɛ lee nyaŋ mmaraase ŋan wɔle ya.

11 Me ta mo n nombia ŋan weese me konɔɔ man,

na mɔɔ nyiŋ yɛɛ dukum tia neŋ ya.

12 Degbeŋgyoo, mɛɛ lese n yele,

wola maŋ n kawolase ŋan.

13 Maa bese toro yako,

mmaraase ŋan pou ba lee n nɔɔman nɛ.

14 Mɛɛ nyaŋee lee n kegyaebii keyɛɛ man,

kela kenyaŋee lee wosekenyiŋ nideli man.

15 Mɛɛ gyoo n kawolase ŋan man,

te me sia gyakaa n gbɛɛneŋ dɔɔ.

16 N kawolase na gyoo me sia,

mɔɔ gyae maa wolee n nombia ŋan ya.