Salmos 125

Wurubuarɛ ne gyee Ɔ balaŋ

1 Baŋ be loo gyakaa Degbeŋgyoo dɔɔ nɛ yɛɛ ŋgba Siyɔn bula,

keŋ bɔɔ tale wosi ke ya, te ka seŋɛɛ kekpaakekpaa nɛ.

2 Mena keŋ bulase be kilisi Yerusalɛm nɛ,

mena te Degbeŋgyoo kilisi ɔ balaŋ,

lee gyɛŋ kelii kekpaakekpaa.

3 Akpanyanyaŋtena gyoorogbutu be gyae ke kyaa,

tɛɛle keŋ bɔɔ mo fa baŋ ba tenɛɛ nɛ dɔɔ ya,

na mena ya na baŋ ba tenɛɛ nɛ baa mo,

be nyiŋmaase yɛɛ dukum.

4 Degbeŋgyoo, yɛɛ deeli fa baŋ be dei,

na baŋ be konɔɔse man tenɛɛ nɛ.

5 Baŋ bɛɛ kpase mo gbɛɛneŋ kumɛɛ nɛ,

Degbeŋgyoo waa wɔlɛɛ wɔ kpuna nombiakumɛɛ yɛɛra.

Wosefɛɛreŋ dɛɛ kyaana Iserae.