1 Ao Wurubuarɛ, yɛɛ bileŋ na n kaa lɛɛ maŋ,

Degbeŋgyoo, kɔŋ bileŋ na n kaa kyɔ maŋ.

2 Yela desɛŋ kekyaŋ baŋ bɛɛ gyae baa ko maŋ nɛ,

na kekolosi ka gyoo wɔ,

yela baŋ pou bɛɛ gyae ma yeŋ nɛ,

ka mo desɛŋ bese be wɔle.

3 Yela baŋ pou bɛɛ yako maŋ nyi, <Mbo, Mbo> nɛ,

ka mo desɛŋ bese be wɔle.

4 Mɔna yela baŋ pou bɛɛ kɛo neŋ nɛ,

ke nyaŋee na ke yɛɛ wɔ gyoŋ lee nyaŋ dɔɔ,

yela baŋ pou bɛɛ gyae n nyeekelɛɛ nɛ ke yako debaŋ kamasɛ nyiaa,

<<Degbeŋgyoo boe.>>

5 Mɔna maŋ dɔɔ me yɛɛ diyemte e, keŋ mɔɔ dana kolo ya,

Ao Wurubuarɛ, yɛɛ bileŋ kɔŋ me gyaŋ.

Nyaŋ yɛna ŋon n ne kyɔ maŋ te n ne lɛɛ maŋ.

Degbeŋgyoo, naa wɔŋ n wose lee wɔle ya.