Salmos 128

RAMPAUBE mie hing kelame samlam punglie

Kengha kekie lei ge.

1 RAMPAUBE de herüt peu kelame leune au samlam kepung melie,

pe lampuidung ga tet kelame.

2 Nang nta tei kegai ne, ncu suiyi peu zie;

nang dai kenzwa ge misuiyi nah samlam no.

3 Nnau au n kilung ga

kubebang petsi bui süt beu kelabe nzwa zie;

n namedung au olive bangdung nzwa zie

n tatyei bam taiga.

4 Yeo, kesang, RAMPAUBE de herüt kepeume

ge de au samlam beu zie.

5 Peu RAMPAUBE de ncu Zion gade samlam beu lo;

peu n teilung pekiene Jerusalem ga kwak kebam ngau lo.

6 Peu ncu lungh eh n tsamedung de ngau lo.

Peu Israel da kezuyi bam lo.