Lei kempwak muiteube ziemne. David gu lei ge.

1 Nang keherei kecudau RAMPAUBE depeu ncu ngha lo;

Jacob Tinggwang zi depeu ncu gum beulo

2 nah kemci ni gade kengha langgai lo

ncu Zion gade ngha kerane.

3 N recadung pelane depeu pecu nsung lu

nah n keru ratak de luulu. Selah

4 N mlung luu keneudung depeu pecu teibeu lu

nah n mariemdung pelane peu teicang beu.

5 Iciude anui nang ngkiengkelu gade anui sui yizie,

nah, anui Tinggwang zi gade, anui pailimdung pwacuh zie.

Peu RAMPAUBE de nnui kekiedung tei beulu.*20:5 Lei. 60:4

6 Cu au Ih cida RAMPAUBE ne keniak kelube de kelibeu kera;

pa pecu pe kemci tinggim gade pe samkeli beuzie

pecu rilukebui zetle ba kengkieng de le.

7 Mi kangge bagidung de nlum la nah kedame hekwendung de,

dede anui au RAMPAUBE anui Tinggwang de qula.*20:7 Lei. 33:16-17

8 Penuide tei henah dizie nah kau dizie,

dede anui cuh luzie nah anui sapntip luzie!

9 RAMPAUBO, hegwangpei de ngkiengkelu peulo;

anui qu kegaidau anuide ngha lo.