Salmos 124

1 אַ געזאַנג פֿון די אַרױפֿגאַנגען; פֿון דָוִדן.

װען נישט ה׳ װאָס איז געװען מיט אונדז –

זאָל נון זאָגן יִשׂרָאֵל –

2 װען נישט ה׳ װאָס איז געװען מיט אונדז,

בעת מענטשן זײַנען אױפֿגעשטאַנען אױף אונדז,

3 דענצמאָל װאָלטן זײ אונדז לעבעדיקערהײט אײַנגעשלונגען,

װען זײער צאָרן האָט געגרימט אױף אונדז;

4 דענצמאָל װאָלטן אונדז די װאַסערן פֿאַרפֿלײצט,

דער טײַך װאָלט אַריבערגעגאַנגען איבער אונדזער זעל;

5 דענצמאָל װאָלטן אַריבער איבער אונדזער זעל

די מוטװיליקע װאַסערן.

6 ברוך ה׳,

װאָס ער האָט אונדז נישט געגעבן

פֿאַר רױב צו זײערע צײן.

7 אונדזער זעל איז אַנטרונען געװאָרן װי אַ פֿױגל

פֿון די פֿאַנגערס פּאַסטקע;

די פּאַסטקע איז צעבראָכן געװאָרן,

און מיר זײַנען אַנטרונען געװאָרן.

8 אונדזער הילף איז אין נאָמען פֿון ה׳,

דעם באַשעפֿער פֿון הימל און ערד.