Isaías 53

11 ସେ ନିଜର୍ ଜିବନର୍ ଦୁକର୍ ପଲ୍‌ଦେକି ସାର୍‌ଦା ଅଇସି; ଆମର୍ ଦରମ୍‌ ଦାସ୍ ନିଜର୍ ଗିଆନ୍ ସଙ୍ଗ୍ ବେସି ଲକ୍‌ମନ୍‌କେ ଦରମ୍ କର୍‌ସି ଆରି ସେ ସେମନର୍ ପାପ୍‌ ବଇସି । 12 ସେଟାର୍ ପାଇଁ ଆମେ ତାକେ ବେସି ସକ୍‌ତି ସାଲି ଲକ୍‌ମନର୍ ଲଗେ ମିସାଇ ଦେବୁ ଆରି ସେ ବପୁ ସାଲି ଲକ୍ ମନର୍‌ସଙ୍ଗ୍ ଚରାଇ ନେଲାପାରା ନେଇସି; କାଇକେ ବଇଲେ ସେ ମରନ୍ ସାମ୍‌ନାଇ ନିଜର୍‌ ଜିବନ୍ ଡାଲି ଦେଲା ଆରି ଅଦରମ୍ ଲକର୍‌ସଙ୍ଗ୍‌ ଏଜାଇ ଅଇଲା; ଅଇଲେ ମିସା ସେ ଅନେକ୍ ଲକର୍ ପାପର୍ ବଜ୍ ବଇଲା ଆରି ଅଦରମ୍ ଲକ୍ ମନର୍‌ପାଇଁ ପାର୍‌ତନା କଲା ।