Salmos 120

1 אַ געזאַנג פֿון די אַרױפֿגאַנגען.

אין מײַן נױט האָב איך גערופֿן צו ה׳,

און ער האָט מיר געענטפֿערט.

2 ה׳, זײַ מציל מײַן זעל פֿון דער ליפּ פֿון ליגן,

פֿון דער צונג פֿון באַטרוג.

3 װאָס װעט מען דיר געבן, און װאָס װעט מען דיר צולײגן,

דו צונג פֿון באַטרוג?

4 שאַרפֿע גיבור-פֿײַלן,

מיט קױלן פֿון בעזעמבײמלעך.

5 װײ מיר, װאָס איך האַלט זיך אױף אין מֶשֶך,

װאָס איך װױן בײַ די געצעלטן פֿון קֵדָר.

6 לאַנג האָט זיך אָנגעװױנט מײַן זעל

בײַ דעם שׂונא פֿון שלום.

7 איך בין לױטער שלום,

אָבער אַז איך רעד, זײַנען זײ פֿאַר מלחמה.