Salmos 127

RAMPAUBE ne kibe teima liecai

Solomon gu kengha kekie lei ge.

1 RAMPAUBE ne kibe teigai kemaktane,

penui kemta gage makam teigai la, cide tei kegaimedung.

RAMPAUBE ne namdibe kwa kemaktane,

kepieme sap eh kemta gage kwa bam.

2 N ziemne cuhzi bamde kemta,

kilung gwang ri bamde,

mede nri eh heta tei kegai taktyei tyeibam de,

kedanemene RAMPAUBE pa hung kelamedung ziemne penui zip kebam daude pwapeu la.

3 Pielo, henamedung au RAMPAUBE dade kegwang mapeu ge,

nah mna beu kela za gu petsi de au pe dade kegwang ziehi ge.

4 Mige heriheret dau pe namedung lungh kelu au,

regwame ge ba ga lakpitsidung kebam nzwa da.

5 Mige pe lakpitsidung kepui tei kebambe au dai kenzwa gede samlam pung no.

Pa pe ngauraumedung de namdi kirie gade renia kecudau

pecu peu hengam tei dilak.