1 यहोवा की स्तुति करो।

कितना धन्य सै वो आदमी जो यहोवा का भय मान्‍नै सै,

अर उसके हुकमां तै घणाए खुश रहवै सै!

2 उसका खानदान धरती पै शक्तिशाली होवैगा;

सीध्धे लोगां की औलाद आशीष पावैगी।

3 उसकै घर म्ह धन-सम्पत्ति रहवैगी;

अर उसका धर्म सदा बण्या रहवैगा।

4 सीध्धे माणसां खात्तर अन्धकार कै बीच म्ह चाँदणा चमकै सै;

वो अनुग्रह करण आळा, दयावान अर धर्मी होवै सै।*

5 जो माणस अनुग्रह करै अर उधार देवै सै,

अर ईमानदारी कै गैल अपणे काम करै सै, उसका भला होवै सै,

6 वो तो सदा ताहीं बण्या रहवैगा;

धर्मी की याद सदा ताहीं बणी रहवैगी।

7 वो बुरी खबर तै न्ही डरदा;

उसका दिल यहोवा पै भरोस्सा करण तै मजबूत रहवै सै।

8 उसका दिल सम्भळया होया सै, इस करकै वो ना डरैगा,

पर अपणे बैरियाँ पै निगांह करकै खुश होवैगा।

9 उसनै दिल खोल कै गरीबां ताहीं दान दिया,

उसका धर्म सदा ताहीं बण्या रहवैगा;

अर उसका सींग महिमा गैल ऊँच्‍चा करया जावैगा।*

10 दुष्ट इसनै देखकै कुढैगा;

वो दांद पिस-पिसकै गळ ज्यागा।

दुष्टां की लालसा पूरी न्ही होवैगी