9 गाबरू अपणी चाल नै किस तरियां तै शुद्ध राख सकै सै?
तेरे वचन कै मुताबिक सावधान रहण तै।
11 मन्नै तेरे वचन अपणे दिल म्ह धर राक्खे सै,
ताके तेरे खिलाफ पाप ना करुँ।
15 मै तेरे उपदेशां पै ध्यान करुँगा,
अर तेरी राह पै नजर राखूँगा।
16 मै तेरी विधियाँ तै सुख पाऊँगा;
अर तेरे वचनां नै ना भूल्लूँगा।
नियम-कायदे म्ह आनन्द
गिमेल
47 क्यूँके मै तेरी आज्ञा कै कारण सुखी सूं,
अर मै उनतै प्रेम राक्खूँ सूं।
48 मै तेरे हुकमां की ओड़ जिनतै मै प्रेम राक्खूँ सूं, हाथ फैलाऊँगा
अर तेरी विधियाँ पै ध्यान करुँगा।
परमेसवर के नियम-कायदे म्ह आशा
ज़ैन
97 आहा! मै तेरे नियम-कायदे तै किसा प्रेम राक्खूँ सूं!
दिन भर मेरा ध्यान उस्से पै लाग्या रहवै सै।
98 तू अपणी आज्ञा कै कारण मन्नै अपणे दुश्मनां तै घणा बुद्धिमान करै सै,
क्यूँके वो सदा मेरै मन मै रहवै सै।
99 मै अपणे सारे सिखाण आळयां तै भी घणी समझ राक्खूँ सूं,
क्यूँके मेरा ध्यान तेरी चितौनियाँ पै लाग्या सै।
100 मै अगुवां तै भी समझदार सूं,
क्यूँके मै तेरे उपदेशां नै पकड़े होये सूं।
105 तेरा वचन मेरे पैरां खात्तर दीवा,
अर मेरी राह खात्तर चान्दणा सै।
147 मन्नै सबेर होण तै पैहल्या मदद खात्तर दुहाई दी;
मेरी आस तेरे वचनां पै थी।
148 मेरी आँख रात के एक-एक पहर तै पैहल्या खुलगी,
ताके मै तेरे वचनां पै ध्यान करुँ।