9 गाबरू अपणी चाल नै किस तरियां तै शुद्ध राख सकै सै?

तेरे वचन कै मुताबिक सावधान रहण तै।

10 मै पूरे मन तै तेरी टोह् म्ह लाग्या सूं;

मन्‍नै तेरे हुकमां के राह तै भटकण ना दे!

11 मन्‍नै तेरे वचन अपणे दिल म्ह धर राक्खे सै,

ताके तेरे खिलाफ पाप ना करुँ।

12 हे यहोवा तू धन्य सै;

मन्‍नै अपणी विधि सिखा!

13 तेरे कहे होये सारे नियमां का जिक्र,

मन्‍नै अपणे मुँह तै करया सै।

14 मै तेरी चितौनियाँ की राह पै,

मान्‍नो सारे ढाळ के धन तै खुश होया सूं।

15 मै तेरे उपदेशां पै ध्यान करुँगा,

अर तेरी राह पै नजर राखूँगा।

16 मै तेरी विधियाँ तै सुख पाऊँगा;

अर तेरे वचनां नै ना भूल्‍लूँगा।

गिमेल