1 कितना धन्य सै हर एक वो माणस जो यहोवा का भय मान्‍नै सै,

अर उसकी राह पै चाल्‍लै सै!

2 तू अपणी कमाई नै जरुर खाण पावैगा;

तू धन्य होवैगा, अर तेरा भलाए होवैगा।

3 तेरे घर कै भित्तर तेरी घरआळी फळ देण आळी अंगूर की बेल की तरियां होवैगी;

तेरी मेज कै च्यांरु ओड़ तेरे बाळक जैतून के पौध्यां की तरियां होवैगें।

4 सुण जो माणस यहोवा का भय मान्‍ने सै,

वो इस्से तरियां आशीष पावैगा।

5 यहोवा थमनै सिय्योन तै आशीष देवै,

अर तू जीवन भर यरुशलेम की सलामती देख्दा रहवै।

6 बलके तू अपणे दोत्ते पोत्यां नै भी देखण पावैगा।

इस्राएल नै शान्ति मिलै।