भजन संहिता 3

संकट कै बखत आत्मबिश्वास

1 हे यहोवा मेरे सताण आळे कितणे बढ़गे सै!

वे जो मेरै बिरुध्द उठै सै घणे सै।

2 घणखरे मेरै बारै म्ह कहवै सै,

के उसकी मदद*3:2 मदद बचाव परमेसवर की ओड़ तै न्ही हो सकदी। (सेला)

3 पर हे यहोवा, तू तो मेरै च्यांरु ओड़ मेरी ढाल सै,

तू मेरी महिमा अर मेरा सिर ऊँच्‍चा करण आळा सै।

4 मै ऊँच्‍ची आवाज म्ह यहोवा नै पुकारूँगा,

अर वो अपणे पवित्र पर्वत तै मन्‍नै जवाब देवै सै। (सेला)

5 मै लेट कै सो ग्या,

फेर जाग ग्या, क्यूँके यहोवा मन्‍नै सम्भाळ सै।

6 मै उस भीड़ तै न्ही डरदा,

जो मेरै बिरुध्द च्यांरु ओड़ पाँति बाँधे खड़े सै।