12 उसनै तो उनके बाप-दाद्यां के स्याम्ही मिस्र देश के सोअन के मैदान म्ह अदभुत काम करे थे।
13 उसनै समुन्दर ताहीं दो भाग करकै उनतै पार करा दिया,
अर पाणी ताहीं ढ़ेर की तरियां खड्या कर दिया।
14 अर उसनै दिन म्ह बादळ के खम्भयां तै
अर रात भर आग की रोशनी के जरिये उनकी अगुवाई करी।
15 वो जंगळ म्ह चट्टान पाड़कै,
उन ताहीं मान्नो गहरे जलाशयों म्ह तै मन मान्या पियाया करै था।
16 उसनै चट्टान म्ह तै भी धारा लिकाड़ी
अर नदियाँ की तरियां पाणी बहाया।