4 उननै हम उनकी औलाद तै लह्को के न्ही राक्खागें,

पर आण आळी पीढ़ी के माणसां तै,

यहोवा का गुणगान अर उसकी सामर्थ्य

अर बड़े-बड़े काम्मां का जिक्र करागें।

5 उसनै तो याकूब म्ह एक चितौनी ठहराई,

अर इस्राएल म्ह नियम-कायदा चलाया,

जिसके बाबत उसनै म्हारे बाप-दाद्यां ताहीं हुक्म दिया,

के थम इननै अपणे-अपणे बाळ-बच्‍चां ताहीं बताइयो;

6 के आण आळी पीढ़ी के लोग, मतलब जो बाळक पैदा होण आळे सै, वो इननै जाणै;

अर अपणे-अपणे बाळ-बच्‍चां ताहीं इनका जिक्र करण म्ह इच्छुक हों,

7 जिसतै वे परमेसवर पै भरोस्सा राक्खै, परमेसवर के बड़े काम्मां नै भूल ना जावै,

पर उसके हुकमां नै मानते रहवै;