परमेसवर म्हारा रक्षक
1 जो परमप्रधान की ओट म्ह बैठ्या रहवैगा,
वो सर्वशक्तिमान की छाया म्ह ठिकाणा पावैगा।
2 मै यहोवा कै खात्तर कहूँगा, "वो मेरा शरणस्थान अर गढ़ सै;
वो मेरा परमेसवर सै, जिसपै मै भरोस्सा राक्खूँगा"
14 उसनै मेरे तै जो प्यार करया सै, इस करकै मै उसनै छुड़ाऊँगा;
मै उस ताहीं ऊँच्ची जगहां म्ह राक्खूँगा, क्यूँके उसनै मेरे नाम ताहीं जाण लिया सै।
15 जिब वो मन्नै पुकारै, फेर मै उसकी सुणूँगा;
मुसीबत कै बखत मै उसकै गैल रहूँगा,
मै उसनै बचाकै उसकी महिमा बढ़ाऊँगा।
16 मै उसनै लम्बी उम्र तै तृप्त कर दियुँगा,
अर अपणे करे होये उद्धार का दर्शन दिखाऊँगा