1 यहोवा खात्तर एक नया गीत गाओ,

हे सारी धरती के माणसों यहोवा खात्तर गाओ!

2 यहोवा खात्तर गाओ, उसके नाम नै धन्य कहो;

हर रोज उसके करे होए उद्धार की खुशखबरी सुणान्दे रहो।

3 गैरजात्तां म्ह उसकी महिमा का,

अर देश-देश के माणसां म्ह उसके अदभुत काम्मां का जिक्र करो।

4 क्यूँके यहोवा महान अर घणा स्तुति कै लायक सै;

वो तो सारे देवत्यां तै घणा भययोग्य सै।

5 क्यूँके देश-देश के सारे देवता तो मूर्त ए सै;

पर सुर्ग यहोवा नै ए बणाया सै।

6 उसके च्यांरु ओड़ महिमा अर ताकत सै;

उसके पवित्र स्‍थान म्ह सामर्थ्य अर शोभा सै।

7 हे देश-देश के कुलों, यहोवा का गुणगान करो,

यहोवा की महिमा अर सामर्थ्य नै मान्‍नो!

8 यहोवा कै नाम की इसी महिमा करो जो उसके योग्य सै;

भेंट लेकै उसके आँगणां म्ह आओ!

9 पवित्रता तै शोभामान होकै यहोवा नै दण्डवत करो;

हे सारी धरती के माणसों उसकै स्याम्ही कापते रहो!