1 मुसीबत कै दिन यहोवा तेरी सुण ले!

याकूब के परमेसवर का नाम तेरे ताहीं

ऊँच्‍चा पद दे!

2 वो पवित्र जगहां तै तेरी मदद करै,

अर सिय्योन तै तन्‍नै सम्भाळै!

3 वो तेरी सारी भेटां नै याद करै,

अर तेरे होमबलि नै कबूल करै। (सेला)

4 वो तेरे मन की इच्छा नै पूरी करै,

अर तेरी सारी योजना नै सफल करै!

5 फेर हम तेरे उद्धार के कारण ऊँच्‍ची आवाज तै

खुश होकै खावांगें,

अर अपणे परमेसवर के नाम तै झण्डे खड़े करैंगें

यहोवा तेरी सारी बिनती सुणै।

6 इब मै जाण ग्या के यहोवा अपणे अभिषिक्त नै बचावैगा;

वो अपणे पवित्र सुर्ग तै,

अपणे सोळे हाथ के उद्धार करण आळें सामर्थ्य तै उस ताहीं जवाब देवैगा।

7 किसे नै रथां का अर किसे नै घोड्या का भरोस्सा सै,

पर हम तो अपणे परमेसवर यहोवा का ए नाम लेवांगें।

8 वे तो झुक ग्ये अर गिर ग्ये

पर हम उठ्ठे अर सीध्धे खड़े सां।

9 हे यहोवा, राजा नै छुड़ा*,

जिब हम पुकारा तो म्हारी मदद कर।