भजन संहिता 78

परमेसवर अर उसके लोग

1 हे मेरे माणसों, मेरी शिक्षा सुणो;

मेरे वचनां की ओड़ कान लगाओ!

2 मै अपणा मुँह ज्ञान की बात कहण खात्तर खोल्‍लूँगा;

मै पुराणे बखत की गुप्त बात कहूँगा,

3 जिन बात्तां ताहीं हमनै सुण्या,

अर जाण लिया, अर म्हारे पूर्वजां नै म्हारे तै जिक्र करया सै।

4 उननै हम उनकी औलाद तै लह्को के न्ही राक्खागें,

पर आण आळी पीढ़ी के माणसां तै,

यहोवा का गुणगान अर उसकी सामर्थ्य

अर बड़े-बड़े काम्मां का जिक्र करागें।