भजन संहिता 95

स्तुतिगान

1 आओ हम यहोवा कै खात्तर ऊँच्‍ची आवाज तै गावां,

अपणे उद्धार की चट्टान का जयजयकार करां!

2 हम धन्यवाद करदे होये उसकै स्याम्ही आवां,

अर भजन गान्दे होए उसका जयजयकार करां।

3 क्यूँके यहोवा महान परमेसवर सै,

अर सारे देवत्यां का उप्पर महान राजा सै।

4 धरती की ढुंघी जगहां भी उसे कै हाथ म्ह सै;

अर पहाड़ां की चोट्टी भी उसे की सै।

5 समुन्दर उसका सै, अर उसे नै उस ताहीं बणाया,

अर सुखी धरती भी उसे के हाथ की रचना सै।

6 आओ हम झुककै दण्डवत करां,

अर अपणे कर्त्ता यहोवा कै स्याम्ही घुटने टेकां!