Yesaya 61

2 Yantumye kumenyesha umwaka wo kugirirwa ubuntu n’Uhoraho,

n’umusi wo kwihora kw’Imana yacu,

no kuremesha abagandaye bose,

3 nshirireho no kuri abo b’i Siyoni bagandaye,

urugori rw’ubwiza

mu gishingo c’iminyota,

amavuta y’akanyamuneza

mu gishingo c’ikigandaro,

n’umwambaro w’amashimwe

mu gishingo c’umutima wihebuye.

Bazokwitwa igiti c’ukugororoka,

catewe n’Uhoraho,

ngo cerekane ubwiza bwiwe.