Isaías 40

28 װײסטו דען נישט?

צי האָסטו נישט געהערט?

ה׳ איז דער אײביקער אלֹקים,

דער באַשעפֿער פֿון די עקן פֿון דער ערד.

ער װערט נישט מיד און נישט מאַט;

נישט צו דערפֿאָרשן איז זײַן פֿאַרשטאַנדיקײט.

29 ער גיט דעם מידן כּוֹח,

און דעם אוממאַכטיקן מערט ער שטאַרקײט.

30 און יונגע לײַט װעלן מיד און מאַט װערן,

און יונגע װעלן שטרױכלען געשטרױכלט װערן;

31 אָבער די װאָס האָפֿן אױף ה׳ װעלן באַנײַען דעם כּוֹח,

זײ װעלן אױפֿהײבן פֿליגלען װי די אָדלערס;

זײ װעלן לױפֿן און נישט מיד װערן,

זײ װעלן גײן און נישט מאַט װערן.