1 O urana u ndolo i ta damma, <<N ta̱ godyowo wu, A̱sulazuva. Ko na vu shi vu yuwain upan na̱ a̱mu, vu vadala ta̱ upan wa̱ wu a̱vu vu ca mu mini mo uta̱nu. 2 Uwwai nda, A̱sula̱ a ɗa iwawi i va̱, n ta suraa yi waru maa uwwa wovon shi. A̱sulazuva A̱sulazuva a̱yi ɗa ucira u va̱ ni ishipa i va̱, wo o'wo ta̱ iwawi i va̱.>> 3 Na̱ ma̱za̱nga̱ ma ɗa yoo rono mini diga o oko'o e iwawi.

4 O urana u ndolo i ta damma: <<I godyowo A̱sulazuva, i ɗe a̱tsuma̱ a ala a̱ yi. I damma a̱tsuma̱ a nɗa ili i na u yuwaan nɗu, i cuɗuwa a na ala a̱ yi a̱ tsura̱ ta̱ tsugbain. 5 I canaa A̱sulazuva ica, adama a na u yuwain ili i gbagbain ya asalama a̱tsuma̱ a̱ ɗu. I lyawa ama e reve ili i nda a̱tsuma̱ o uvaɗi suru. 6 I saala nu uɗyo zuva a̱vu i cana ishipa na̱ ma̱za̱nga̱, ama a Sihiyona, adama a na Za va Akiza va Isra'ila zagbain ta̱ e memere ma̱ ɗu.>>