1 A damma de vu ta ɓatsa zuva a̱vu u cipa̱ e iɗa, a̱vu nsasan n je'en elime a̱ wu! 2 Cine akina a̱ tsu reme ɗanga a̱vu akina'a u zuwa mini ma̱ puna̱, adama n'yuwatan ma̱ wu n reve ala a̱ wu, waru tsa̱ra̱ nɗa n jinga̱ɗa̱ elime a̱ wu! 3 Na̱ vu yuwan ili i wovon i na tsu zamiyi shi, vu cipa̱ ta̱ e iɗa, a̱vu nsasan n je'en lipu elime a̱ wu. 4 Nu ujimu ɗe babu za na uwwai ko u reve na atsuvu, babu lyusu na enei ɗe A̱sula̱ babu na̱ a̱vu, za na tsu linga o una̱ wa aza a na a pura yi. 5 Vu tsu ta̱wa̱ ta̱ ikambishi ya aza a na aa yuwusan amayun, aza a na a cuwain na̱ re va̱ wu. Uwwa nda, vu yuwan ta̱ upan, a̱tsu waru tsu yuwan ta̱ unusu, o unusu u tsu tsu jima ta̱. Cine tsa ɗa aa wawa tsu? 6 Tso o'wo ta̱ tsa ama a na a̱ ri idaba, waru linga va̱ a̱ɓula̱ a̱ tsu suru tsa akashamuna a̱ a̱shinda̱. Suru ntsu tsu 'yewe ta̱ tsa̱ a̱vu'un, waru tsu upepu, unusu u tsu u pura̱ ntsu a̱ ka̱ra̱. 7 Babu vuma ta̱ na ɗeyi a̱tsuma̱ a ala a̱ wu, za na 'yoyin adama u tsura̱ ikambishi ya̱ wu, adama a na vu sokoo tsu ta̱ urewesu wa̱ wu, a̱vu vu zuwa tsu tsu jeruwe a̱tsuma̱ a̱ nusu tsu. 8 Agba gogo, A̱sulazuva, a̱vu Dada tsu ɗa. A̱tsu olo'o a ɗa, a̱vu ma'in ɗa, suru ntsu a̱tsu ulinga wu ukere wa̱ wu u ɗa. 9 She vu yuwan upan usuɗuwu a̱bunda̱ wan, A̱sulazuva. She vu cuwan na̱ nusu tsu wan hali hali. Ka̱lyuwa̱, a̱yi ɗa nda, suru ntsu ama a̱ wu a ɗa. 10 Ilyuci ya akiza a̱ wu yo o'wo ta̱ a̱tsumona. Sihiyona o o'wo ta̱ a̱tsumona, Urishelima gba okongo. 11 U'wa wa akiza u tsu waru wu ulobonu, uba̱ta̱ u na nkaya n tsu n cuwa nuwu, u kula̱ ta̱ na akina. Waru ba̱ta̱ mawwa mo uyo'o ma̱ tsu o o'wo ta̱ okongo. 12 A̱sulazuva, vu to rono na̱ a̱ca̱pa̱ adama e ili i nda? Vu ta̱ rungwa̱ kpaku, a̱vu vu ca tsu a̱tsuma̱lima̱ a̱ a̱bunda̱?