1 O urana u ndolo a̱ma̱ci e cindere e te reme vali ta̱ a̱vu a damma, <<Tsu ta lyuwa ilyalya i tsu reve tsu yuwaan aciya̱tsu itana. A̱yi de lyawa e ɗesu tsu na ala a̱ wu. Vu tawa tsu wono!>>

2 O urana u ndolo Ototopi a̱ A̱sulazuva a ta yuwan ulobonu na̱ tsugbain, waru umatsun wi iɗa'a u to o'wo ili ya awayo ni ili i sa'ani ya aza a Isra'ila a na a pasai. 3 Aza a na a pasai a̱tsuma̱ a̱ Sihiyona, aza a na a buwai a̱tsuma̱ a̱ Urishelima, e te ɗe le aza a akiza, aza a na suru a ɗanai ala e le aza na a̱ ri wuma a̱tsuma̱ a̱ Urishelima. 4 A mantsa'a Zagbain ta̱ za̱'wa̱ a̱shinda̱ a̱ a̱ma̱ci a Sihiyona, u ta tasa adaɓa a mpasa a̱tsuma̱ a̱ Urishelima na̱ ruhu vu uge'etosu na̱ ruhu va akina. 5 Reve A̱sulazuva aa yuwan eleshe nu urana zuva Masasan ma̱ Sihiyona suru na aza a na oo ɓolotosu ɗe. Na ayin waru a̱vu u yuwan mikyon ne ekan a akina. Amayun tsugbain tsa̱ yi tsu ta̱ ɓa̱ru iɗa suru. 6 Tsugbain tsa̱ yi tsu to o'wo oogodo a na aa ca ululu a mantsa mo usuɗawu wu urana, nu ukafata nu upa'atan u wunla̱ ni iro'i.